Yangiliklar

Ўзбекистон Республикаси Президентининг 2019 йил 9 январь кунги “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги ПФ-5618-сон Фармони ижросини таъминлаш, ёшлар ўртасида ҳуқуқбузарликлар профилактикаси, жиноятчиликка қарши курашиш ва олдини олиш, бўш вақтларини мазмунли ташкил этиш ҳамда мухтарам Президентимиз жорий йилда вилоятимизга ташрифлари давомида илгари сурган 5 та устувор ташаббусларининг бажарилишини таъминлаш мақсадида  умумий ўрта таълим мактаблари ўқувчилари ўртасида "30 май - Халқаро кашандаликка қарши курашиш куни" муносабати билан "Чекиш-умр заволи" мавзусида   Сайхунобод тумани Бахмалсой МФЙ Маданият саройи биносида тумани адлия бўлими, туман  ҳокимлиги, Ўзбекистон Ёшлар Иттифоқи  туман Кенгаши, туман Маънавият ва маърифат бўлими, туман халқ таълими бўлими, Фуқароларнинг ўзини ўзи бошқариш органлари фаолиятини мувофиқлаштириш бўйичатуман Кенгаши билан ҳамкорликда маданий-маърифий тадбир ўтказилди.

1 июнь – Халқаро болаларни ҳимоя қилиш куни арафасида Сирдарё вилоятининг барча ҳудудларида турли байрам тадбирлари ўтказилмоқда.

Бугунги кунда мамлакатимизда кексалар, пенсионерлар, ногиронлар ва имконияти чекланган шахсларга тиббий-ижтимоий ёрдамни ташкил этиш тизими яратилган бўлиб, аҳолининг эҳтиёжманд қатламларини манзилли ижтимоий ҳимоя қилиш давлат сиёсатининг устувор йўналишларидан бири сифатида белгиланган.

Бугун Гулистон шаҳар ҳокимлигида ўтказилган “Ҳокимлик соати”да шаҳар адлия бўлими бошлиғи Назар Қаршибоев йиғилиш иштирокчиларини ўтган ҳафтада қабул қилинган норматив-ҳуқуқий ҳужжатлар мазмун-моҳияти билан таништирди.

Ўзбекистон Республикаси Президентининг 2019 йил 9 январдаги ПФ 5618-сон “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармонига 2-илова “Йўл харитаси”да белгилаб берилган туман-шаҳар адлия бўлимларининг олдига қўйилган муҳим вазифалардан бири – адлия бўлимлари ҳуқуқшуносларининг халқ орасида қонунчилик тарғиботи, янги қабул қилинаётган норматив-ҳуқуқий ҳужжатларнинг мазмун-моҳиятини аҳоли онгига етказишдан иборат эди.

Бугун Сирдарё вилоят адлия бошқармасида Давлат хизматлари агентлигининг Сирдарё вилоят бошқармаси ходимлари билан ҳамкорликда туман ва шаҳар ҳокимликларининг юридик хизмат ходимлари учун семинар ташкил этилди.

Оқолтин тумани адлия бўлими томонидан халқ таълим бўлими ходимлари билан давра суҳбати ташкил этилди.

Худди шу лаҳзаларда Ширин шаҳридаги Энергетика ва маиший хизмат касб-ҳунар коллежида Сирдарё вилоят адлия бошқармаси бошлиғи ўринбосари Сафар Тоғаев, бошқарма  бўлим бошлиқлари Азизжон Мавлонов ҳамда  Исмоил Қорабоев Ширин шаҳар маҳаллалари аҳолиси ҳамда шаҳарда фаолият юритаётган ОАВ ходимлари билан очиқ мулоқот ўтказишяпти.

Сирдарё вилоятида “Ўзбекистон – умумий уйимиз” шоири остида “Ҳаракатлар стратегиясининг миллатлараро ва конфессиялараро тинчлик ҳамда тотувликни мустаҳкамлашда ўрни ва аҳамияти” мавзусида дўстлик ва маданият фестивали бўлиб ўтди.

Ўзбекистон Республикаси адлия вазирининг 2019 йил 1 майдаги 141-ум-сон буйруғига кўра мамлакат бўйлаб адлия тизимида ўтказилаётган “Ҳуқуқий маданият ва одоб-ахлоқ ойлиги” доирасида Сирдарё вилоят адлия бошқармасида шоир Ҳаёт Шодмон билан учрашув ташкил этилди.