Yangiliklar

Адлия органлари томонидан 14 январь – Ватан ҳимоячилари куни ҳамда Ўзбекистон Қуролли кучлари ташкил этилганлигининг 22 йиллиги муносабати билан турли ҳуқуқий тадбирлар, давра суҳбатлари ва учрашувлар ташкил этилмоқда.

Ўзбекистон Республикаси Президентининг 2013 йил 12 декабрдаги “Ватан ҳимоячилари кунини нишонлашга тайёргарлик кўриш тўғрисида”ги Фармойиши ижроси юзасидан Сирдарё вилоят мудофаа ишлари ҳамда адлия бошқармаси томонидан ҳамкорлик режаси тасдиқланиб бир қатор ҳуқуқий маърифий тадбирлар ташкил этилмоқда.

Ўзбекистон Республикаси Олий Мажлиси Қонунчилик палатаси Аграр ва сув хўжалиги масалалари қўмитасида Президентимиз Ислом Каримовнинг Ўзбекистон Республикаси Конституцияси қабул қилинганининг 21 йиллигига бағишланган тантанали маросимдаги маърузасида белгилаб берилган вазифалар ижросини таъминлаш ва аграр соҳани ривожлантириш истиқболларига бағишланган кенгайтирилган йиғилиш бўлиб ўтди.

Жамиятни демократлаштириш ва янгилаш жараёнида маҳаллий давлат ҳокимияти органларининг норма ижодкорлиги соҳасидаги фаолиятини янада такомиллаштириш масалаларига алоҳида эътибор қаратилмоқда. Бу эса ўз навбатида, норма ижодкорлиги фаолиятини самарали ташкил қилишга, қабул қилинаётган норматив-ҳуқуқий ҳужжатларнинг сифати яхшиланишига хизмат қилмоқда.

Адлия вазирлиги ҳамда Ўзбекистон Истеъмолчилар ҳуқуқларини ҳимоя қилиш жамиятлари Федерацияси ҳамкорлигида “Фуқароларнинг коммунал соҳадаги истеъмол маданиятини ривожлантириш, уларнинг қонуний ҳуқуқ ва манфаатларини таъминлаш” мавзусида матбуот анжумани ташкил этилди.

Гулистон давлат университетида Президентимиз Ислом Каримовнинг Ўзбекистон Республикаси мустақиллигининг йигирма икки йиллик байрамида сўзлаган табрик нутқида “ ...биз ўз олдимизга қўйган келажаги буюк давлат қуришдек олижаноб мақсадга етиш йўлида мен сизлар каби мард ва шижоатли ёшларимизга, илму фан чўққиларини эгаллашга бел боғлаган, бутун хаётимизнинг ҳал қилувчи кучи каби майдонга чиқаётган соғлом ва баркамол авлодимизга ишонаман...”, “...Бизга тинчлик ва омонлик керак...” ва “...беғамлик ва бепарволикка йўл қўймасдан, ҳушёрлик ва уйғоқлик билан яшашни ҳаётнинг ўзи барчамиздан талаб қилмоқда...” каби сўзларининг мазмун-моҳият ҳамда “Конституция – ҳуқуқий қомусимиз” мавзуларида семинар ўтказилди.

Мустақил давлатчиликнинг суверен белгиси ҳисобланмиш Конституция аввало миллатнинг юзи, халқнинг эрки иродаси, жамият тараққиётининг асосидир. Демократик ҳуқуқий давлатни барпо этиш мақсадида қабул қилинган Конституциямизнинг ғояси, асосий принцип ва қоидалари умумэътироф этилган халқаро талаблар билан бирга халқимизнинг минг йиллар давомида шаклланиб келган қадриятларини ҳам ўзида мужассам этган.

Барча соҳалар каби ўтган йиллар давомида қонунчилик ва ҳуқуқ-тартиботни мустаҳкамлаш борасида изчил ислоҳотлар амалга оширилди. Бу ислоҳотлар барча ҳокимият тармоқларининг ваколатларини аниқ белгилаш ва улар ўртасида амалий ҳамкорликни йўлга қўйиш асосида йилдан-йилга такомиллашиб бормоқда.