Янгиликлар

ИЖТИМОИЙ ТАРМОҚЛАРДА КЎТАРИЛАЁТГАН БАРЧА САВОЛЛАР ЎЗ ЖАВОБИНИ ТОПДИ

Бугун Сирдарё вилояти маркази Гулистон шаҳридаги Ёшлар марказида Халқаро Пресс клубнинг Сардоба сув омборида рўй берган техноген вазият ва унинг оқибатлари тўғрисида "Сардоба 2020: Синов, бирдамлик, меҳнат, сифат" мавзусида бевосита мулоқот бўлиб ўтди.
Ушбу тадбирга республика ҳамда вилоятнинг кўзга кўринган журналистлари блогерлари, кенг жамоатчилик вакиллари ташриф буюришган. Уларнинг орасида Хушнудбек Худойбердиев ҳамда Шаҳноза Соатоваларни ҳам кўриб хурсанд бўлдик. Мулоқот жуда қизиқ ўтди.

Мулоқот бошланишидан аввал биз Сардоба тумани Қўрғонтепа МФЙ да истиқомат қилган Тошпўлат ака Хўжақулов билан суҳбатлашдик.

Бизга куни кеча Президент билан учрашувда, бевосита давлатимиз раҳбари қўлларидан олган сертификатларини кўрсатар экан, Тошпўлат ака шу пайтгача бўлган барча хавотирлари аригани, офатдан жабр кўрганлар учун кутилганидан ҳам аъло шароитлар яратилишини эшитиб, дарҳол бошланиб кетган қурилиш-таъмирлаш ишларини кўриб, гувоҳи бўлиб, жуда хурсанд эканликларини яширмади.
Сардоба туманининг яна бир офат катта зарар келтирган ҳудуди -Дўстлик МФЙ да яшовчи мактаб ўқитувчиси Марям Нурматова офат рўй берган тонг, ҳеч нарсасиз жонларини қутқариш учун югуриб чиқишгани, уйларига, молу-мулкига етган зарарлар куни алами куни кеча Президент билан бўлган учрашувдан кейин булутдек тарқаб кетганини, шундай юртбошимиз борлигидан фахрланиб кетганини айтиб, адо қилолмаслигини кўриб, унинг хурсандчилигига шерик бўлдик. 40 млн сўмлик сертификатдан ташқари, электр маиший жиҳозлар, шароити Тошкент Ситидаги уйлардан қолишмайдиган уйлар қуриб берилиши, қўшимчасига участкаси ўзларига қолиши, хуллас, оёққа туриб олишлари учун барча шароит яратиб берилаётганини айтиб, миннатдорчилик билдирди.
Халқаро пресс клубнинг Гулистон шаҳридаги Ёшлар марказида бўлиб ўтаётган онлайн мулоқотида Оқолтин тумани Шодлик МФЙ фуқароси, Сардоба сув омбори талофатида уй-жойидан ажраган фуқаро Назокат Чўтанова билан суҳбатлашдик.

• Офат оқибатида бор будимиздан ажраб қолган эдик. Аллоҳга шукур, куни кеча президентимиз Шавкат Мирзиёев билан учрашганимиздан кейин ташвишимиз ариди. 40 млн сўм ва электр маиший жиҳозлар учун сертификатлар олдим, бизга янги, барча шароитга эга, қишда иссиқ,ёзда салқин шароитли уйлар қуриб берилар экан, мол-ҳол, парранда, томорқа қилишимиз учун шароит бўлар экан. Миннатдормиз давлат раҳбаридан. Яна бир маротаба бизни қўллаб-қувватлаган бутун республика халқига миннатдорчилик билдираман, халқимиз, давлатимиз туфайли бошимизга тушган оғир кунларда ҳеч нарсага зориқмадик.

Қурилиш вазирининг биринчи ўринбосари Шерзод Ҳидоятовнинг айтишича қурилишларни энг салоҳиятли қурувчилар олиб боради.

Оқолтин ва Мирзаобод туманларининг Шодлик ҳамда Ҳақиқат МФЙ лари битта аҳоли пункти бўлади. Бу ерда 20 та 5 қаватли энг замонавий уйлар қурилиб, 800 та хонадондан иборат бўлади. Олдида Экобозор, поликлиника ва ишлаб чиқариш бинолари қурилади. Янги қурилаётган уйлар энерготежамкор уйлар бўлади.

- Нега қишлоқдаги ҳамюртларимиз лой уйларда яшаши керак? Ахир ташқарида 21 аср, нега юртдошларимиз шароити йўқ, пастқам уйларда яшаши керак? – дейди қурилиш вазирининг биринчи ўринбосари Шерзод Ҳидоятов.

– Телевизорда кўриб, орзу қилардим. Мен ҳам сувда қолиб кетган уйимни умр бўйи қурганман. Бизга қуриладиган уйларни кўриб, жуда хурсанд бўлдим. Айниқса, ёнида қуриладиган завод ва фабрикаларни кўриб, фарзандларим учун хурсандман. Демак, фарзандларимиз ишли бўлади, - деди сўзга чиққан Назокат Чўтанова.
– Қачон биз ҳам шаҳар шароитида яшарканмиз, деб ўйлардик. Ҳурматли Президентимиз Шодлик маҳалламизга Тошкент шаҳрини кўчириб келди. Биз ҳам барча шароитга эга уйларда яшаймиз, - деди Шодлик МФЙ фуқароси Шаҳло Раҳимова.