Yangiliklar

Сирдарё вилоят юридик коллежи ўқувчилари эндиликда амалий машғулотларни вилоят адлия бошқармаси, Жиноят ва Фуқаролик ишлари бўйича, Иқтисодий, Маъмурий судларда ўтадилар.

Ховос туман адлия бўлими бошлиғи Х.Бўрибоев,   “Ҳақиқат мезони” адвокатлик бюроси  адвокати С.Турсуновалар билан ҳамкорликда  Оқчангал МФЙ фаоллари ва фуқаролар  билан  "Ҳуқуқий ахборот куни" лойиҳаси доирасида учрашув  ва сайёр қабул ўтказилди.
Тадбир давомида  Ўзбекистон Республикаси Президентининг 2019 йил 9 январдаги "Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида"ги ПФ-5618-сон Фармони, Ўзбекистон Республикаси Президентининг 2019 йил 2 апрелдаги "Аҳоли муаммолари билан ишлашда маҳалла институтининг мавқеини тубдан ошириш чора-тадбирлари тўғрисида"ги ПФ-5700 сонли Фармони, Ўзбекистон Республикаси Вазирлар Маҳкамасининг 2018 йил 21 июндаги 461-сонли қарори ижроси ва "Ҳар бир оила тадбиркор" Давлат дастурлари мазмун-мохияти фуқароларга тушунтириб берилди.

"Ҳуқуқий ахборот куни" лойиҳаси доирасида Янгиер шаҳар адлия булими, юрист, адвокат,  нотариус ва  ички ишлар бўлими, шунингдек,  АТ Қишлоққурилишбанкнинг Янгиер  шаҳар филиали ходимлари билан биргаликда графикда белгиланган “Бинокор”маҳалласида жойлашган 4-сон умумтаълим мактаби биносида маҳалла   фуқаролари  билан ҳуқуқий тарғибот олиб борилди.

Сирдарё вилоят адлия бошқармаси ташаббуси билан “Фуқаролар йиғини раиси (оқсоқоли) сайлови тўғрисида”ги Ўзбекистон Республикасининг қонуни ҳамда жорий йилнинг 2 апрель куни Ўзбекистон Республикаси Президентининг ПФ-5700-сон “Аҳоли муаммолари билан ишлашда маҳалла институтининг мавқеини тубдан ошириш чора-тадбирлари тўғрисида”ги Фармони мазмун-моҳияти юзасидан давра суҳбати ташкил этилди.

Ўзбекистон Республикаси Президентининг 2019 йил 9 январдаги 5618-сон “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги  Фармони ижроси юзасидан Сирдарё вилоят адлия бошқармаси ҳамда Гулистон Давлат университети раҳбарияти тасдиқлаган календарь режа асосида олий ўқув юртининг барча факультетлари талабаларига ҳафтанинг ҳар сешанба куни “Ҳуқуқий ахборот соати” ўтказилмоқда.

Бугун Сардоба туманидаги 39-жазони ижро этиш муассасасида шу мавзуда давра суҳбати бўлиб ўтди.
Вилоят адлия бошқармаси ташаббуси билан ўтказилган тадбирда вилоят ҳокими ўринбосари Э.Мўминов, адлия бошқармаси бошлиғи ўринбосари С.Тоғаев, вилоят ИИБ  Терроризмга қарши кураш бошқармаси бошлиғи Ф.Акрамов,  давлат хавфсизлик хизмати ҳамда ОАВ вакиллари иштирок этдилар.

Шу йил май ойида бўлиб ўтадиган Фуқаролар йиғини раиси (оқсоқоли) сайлови олдидан  Сирдарё вилоятида тизимли тарғибот ишлари олиб борилмоқда.
Тарғиботдан мақсад - фуқароларимизнинг  ҳуқуқий саводхонлигини ошириш, сайлов қонунчилиги билан таништириш ҳамда сайловларнинг сиёсий жараён эканлигини,  унинг натижаси жамият учун муҳим эканини идрок этиб, сайлов ҳуқуқидан оқилона фойдалана билишларини таьминлашдан иборатдир.

Сайхунобод тумани адлия бўлими, Фуқароларнинг ўзини ўзи бошқариш органлари фаолиятини мувофиқлаштириш бўйича туман Кенгаши, "Ермулккадастр" ДУК Сайхунобод филиали ва  “Фуқаролар йиғини раиси (оқсоқоли) сайловини ўтказувчи туман сайлов комиссияси   билан ҳамкорликда  тумандаги  Паймард,  Фаровон,  “Нурли йул” маҳалла фуқаролар йиғинларида Ўзбекистон Республикасининг "Фуқаролар йиғини раиси (оқсоқоли) сайлови тўғрисида"ги Қонуни мазмун-моҳияти, сайловларда очиқ-ошкораликни таъминлаш орқали муносиб номзодлар сайланишини таъминлаш ҳақида учрашувлар ўтказилди.

Сайхунобод тумани маҳаллаларида   бугунги куннинг долзарб мавзуларидан бири  Вазирлар Маҳкамасининг 2018 йил 21 июндаги “Ўзбошимчалик билан эгаллаб  олинган ер участкаларида ёки иморат қуриш учун рухсатнома олмасдан қурилган турар жойларга нисбатан Ўзбекистон Республикаси Президентининг «Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида» 2018 йил 20 апрелдаги ПФ-5421-сон Фармони ижросини таъминлаш тўғрисида”ги  461-сонли қарори ижроси бўйича тарғибот ишлари олиб борилди.

Сирдарё вилоят адлия бошқармаси март ойининг "энг яхши ходими"ни эълон қилди. Энг яхши ходим деб Боёвут туман адлия бўлими бошлиғи Жаҳонгир Шомирзаев топилди. Омад ва муваффақият тилаймиз!