Янгиликлар
15
SAYYOR QABUL - MUAMMOLARGA YECHIM
“Inson huquqlari oliy qadriyat” huquqiy aksiyasi doirasida Sayxunobod tumani adliya boʻlimi boshlig'i B.Nazarov, Oila va xotin qizlar boʻlimi boshligʻi M.Jalilova, Kambagʻallikni qisqartirish va bandlik boʻlimi, FHDY, Davlat xizmatlari markazi, Yuridik xizmat ko'rsatish markazi mas'ul xodimlari ishtirokida "Ittifoq" mahallasida ommaviy sayyor qabul oʻtkazildi.
Sayyor qabul jarayonida 20 nafardan ziyod fuqarolarning murojaatlari tinglanib, shundan 12 nafar fuqarolarning muammolari yuzasidan joyida huquqiy tushuntirish berildi. 10 nafar fuqarolarning murojaatlari oʻrganish muddat talab qilganiligi bois ish yurituvga qabul qilindi.
Sayyor qabulda aholiga sayyor davlat xizmatlari ko'rsatildi. Mobil-ID tizimiga identifikatsiya qilish, suv ta'minotiga ulanish, elektr energiya tarmog'iga ulanish, elektron raqamli imzo kalitini olish, bolani maktabgacha taʼlim tashkilotiga roʻyxatga qoʻyish bo'yicha fuqarolar tezkor, shaffof va sifatli davlat xizmatlaridan foydalandilar.
Shuningdek, fuqarolarga my.gov.uz tizimi orqali mustaqil ravishda davlat xizmatlarini olish va xizmatdan foydalanish tartiblari tushuntirildi.
Sirdaryo viloyat adliya boshqarmasi Axborot xizmati