Янгиликлар
16
Munosabat
Joriy yilning 16-noyabr kuni fuqaro tomonidan Sirdaryo viloyati Guliston shahridagi davlat xizmatlari markazidagi xodimlarning 8 nafaridan ish jarayonida faqat ikki nafari xizmat koʻrsatayotganligi maʼlum qilingan.
Ushbu murojaat yuzasidan Sirdaryo viloyati adliya boshqarmasi shuni maʼlum qiladiki, fuqaro ijtimoiy tarmoqlar orqali Guliston shahar DXM dan olgan va eʼlon qilgan fotosurati ishchi xodimlarning tushlik paytida suratga olingan. Fuqaro DXM ga tushlik paytida xizmat olish uchun kirgan va navbatda turib qolgan.
Davlat xizmatlari markazlari odatda tushlik paytida ham fuqarolarga xizmat koʻrsatishdan toʻxtamaydi. Belgilangan tartibga koʻra, operatorlar fuqarolarni kuttirib qoʻymaslik va qulay sharoitlar yaratish maqsadida navbat bilan tushlikka chiqadi.
Sirdaryo viloyati Guliston shahridagi DXM da fuqaro tushlik paytida ikki nafar navbatchilik asosida xizmat koʻrsatayotgan operatorlarni oʻzining postida nazarda tutgan. Tushlik vaqtidan tashqari boshqa holatlarda DXM operatorlari odatiy va barqaror faoliyat olib borayotganligi maʼlum qilinadi.
Sirdaryo viloyati adliya boshqarmasi fuqarolardan tizimga oid maʼlumotlar va fikrlarini ijtimoiy tarmoqlar orqali eʼlon qilayotganlarida ortiqcha emotsiyaga berilmasliklarini va barcha savollariga avval tizim masʼullaridan izoh soʻrashlari mumkinligini eslatib oʻtamiz.
Sirdaryo viloyat adliya boshqarmasi Jamoatchilik bilan aloqalar bo'limi