Янгиликлар
19
ДАВЛАТ ГРАНТЛАРИ АЖРАТИШ УЧУН ЯНГИ ТАНЛОВ ЭЪЛОН ҚИЛИНДИ
Фуқаролик жамияти шаклланишини мониторинг қилиш мустақил институти Сирдарё вилоят филиали фаоллар залида Ўзбекистон Республикаси Олий Мажлис ҳузуридаги жамоат фонди томонидан эълон қилинган “Соғлом турмуш тарзини қарор топтиришда фуқаролик жамияти институтларининг фаоллигини ошириш” мавзусида Давлат грантлари ажратиш учун танлов тўғрисидаги маълумотларни нодавлат нотижорат ташкилотлари эътиборига етказиш мақсадида Сирдарё вилоят ҳокимининг ўринбосари И.Муминов раҳбарлигида йиғилиш бўлиб ўтди.
Йиғилишда Сирдарё вилоят адлия бошқармаси бошлиғи ўринбосари С.Тоғаев ҳамда Нодавлат нотижорат ташкилотлари миллий ассоциацияси Сирдарё вилоят бўлинмаси раҳбари Ш.Мамараҳимовлар маъруза билан иштирок этишди.
Йиғилиш давомида нодавлат нотижорат ташкилотлари томонидан берилган саволларга вилоят ҳокимлиги, адлия бошқармаси ҳамда ассоциация ходимлари томонидан тегишли тушунтиришлар берилди. Йиғилиш қизғин савол жавоблар асосида ўтди.