Янгиликлар
23
ТУМАН ҲОКИМЛИГИДА “ҲУҚУҚИЙ АХБОРОТ СОАТИ” ЎТКАЗИЛДИ
Бугун Боёвут туман адлия бўлими томонидан туман ҳокимлигининг бошқарув аппарат йиғилишида давлат органлари ва ташкилотларининг туман тузилмалари раҳбарлари ва МФЙ раисларига қонунчиликдаги янгиликлар бўйича маълумот берди.
-Жумладан, ўтган ҳафтада 2 та Президент Фармони ва 7 та Ҳукумат қарори қабул қилинди, - деди Ж.Шомирзаев. - 2019-2021 йилларда Республиканинг фармацевтика тармоғини янада жадал ривожлантириш чора-тадбирлари тўғрисидаги ҳамда Қишлоқ хўжалиги соҳасида давлат бошқаруви тизимини такомиллаштириш чора-тадбирлари тўғрисидаги Президент Фармонлари, Ёғоч қириндили плиталар ва уларнинг муқобил турларини ишлаб чиқаришни янада ривожлантириш бўйича қўшимча чора-тадбирлар тўғрисидаги, Ўзбекистон Республикаси божхона чегараси орқали чарм ва мўйна хомашёсини олиб чиқишни мониторинг қилиш тартиби тўғрисидаги ҳамда Сув таъминоти ва канализация хизматлари учун тартибга солинадиган нархларни (тарифларни) шакллантириш, декларация қилиш (тасдиқлаш) ва белгилаш тартиби тўғрисидаги низомлар, 2030 йилгача бўлган даврда Ўзбекистон Республикаси электр энергия тармоғидаги тариф сиёсатининг асосий йўналишлари тасдиқланганлиги тўғрисида, Таълим муассасаларида уни битириб, юксак ютуқларга эришган номдор шахсларнинг ҳомийлик хайрия маблағлари ҳисобига шакллантириладиган битирувчилар жамғармаси ташкил этилганлиги ҳамда Жамғарма низоми тасдиқланганлиги, Озодликдан маҳрум этилган шахслар учун умумий таълим ва касб-ҳунарга ўқитиш тизимини такомиллаштириш чора-тадбирлари тўғрисидаги, Тренерлик фаолияти билан шуғулланишга рухсат бериш бўйича давлат хизматлари кўрсатишнинг регламенти тасдиқланганлиги тўғрисидаги Ҳукумат қарорлари нинг мазмун-моҳияти қисқача тушунтириб берилди.
Шу билан бирга бугунги кунда долзарб, кечиктириб бўлмайдиган вазифа - Ўзбекистон Республикаси Президентининг "Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида"ги 2018 йил 20 апрелдаги ПФ-5421-сон Фармони ва унинг ижроси юзасидан қабул килинган Вазирлар Маҳкамасининг 2018 йил 21- июндаги 461-сон қарори ҳамда Ўзбекистон Республикасининг “Коррупцияга қарши курашиш тўғрисида”ги Қонун юзасидан тарғибот қилинди.