Янгиликлар
20
ҲАМКОРЛИКДАГИ ҲУҚУҚИЙ ТАРҒИБОТ ТАДБИРИ
Сардоба туман адлия бўлими бошлиғи Гуломжон Абсаламов ва туман “Оила” маркази раҳбари Дилшода Мўминова билан биргаликда тумандаги Наврўз маҳалласи ҳудудидаги 12- сонли умумтаълим мактаби биносида Ўзбекистон Республикаси Президентининг 2019 йил 9 январдаги "Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида" ги ПФ-5618- сонли Фармони ижроси юзасидан ҳуқуқий тарғибот тадбири бўлиб ўтди.
Тадбирда, шунингдек, Ўзбекистон Республикаси Президентининг "Фуқароларни ижтимоий қўллаб-қувватлаш бўйича қўшимча чора-тадбирлар ҳамда ўзбошимчалик билан қурилган турар -жойларга нисбатан мулк ҳуқуқини эътироф этиш бўйича бир марталик умумдавлат акциясини ўтказиш тўғрисида"ги 2018 йил 20 апрелдаги ПФ-5421-сон Фармони ва унинг ижроси юзасидан қабул қилинган Вазирлар Маҳкамасининг 2018 йил 21- июндаги 461-сон қарори юзасидан кечиктириб бўлмайдиган вазифалар ҳақида; “Одам савдоси - давр муаммоси” ва “Менинг маҳалламда жиноятчилик содир бўлмаслиги керак” мавзуларида, шунингдек, Ўзбекистон Республикасининг "Экстремизмга қарши курашиш тўғрисида"ги, “Коррупцияга қарши курашиш тўғрисида”ги Қонунларини мазмун- моҳияти тушунтирилди.