Савол: Ўтган йили у эри билан қонуний никоҳдан ажрашишган. Эри никоҳдан ажрашганлиги ҳақида яшаш жойидаги ФҲДЁ бўлимидан никоҳдан ажралганлиги ҳақидаги гувоҳнома олган, танишим эса аксинча олмаган. Ҳозирги кунда танишим чет давлатида бўлганлиги сабабли нотариал тасдиқланган ишончнома асосида унинг ўрнига мен никоҳдан ажрашганлиги ҳақидаги гувоҳномани олишим мумкинми?
А.Ибрагимова, Гулистон шаҳри
Савол: Фарзандим чет давлатида туғилди. Унинг туғилганлиги ҳақида ваколатли муассаса томонидан ҳужжат берилди. Мен фарзандимнинг туғилганлиги ҳақидаги гувоҳномасини Ўзбекистон Республикасининг гербли гувоҳномасига алмаштирсам бўладими ва бунга қандай ҳужжатлар тақдим этишим керак?
Ф.Юлчиева, Гулистон шаҳри
Жавоб: Ўзбекистон фуқароларининг хорижий давлатларнинг ваколатли муассасалари томонидан берилган фуқаролик ҳолатларини тасдиқловчи ҳужжатлари Ўзбекистон Республикасининг гербли гувоҳномаларига алмаштирилиши мумкин.
Ҳужжатларни алмаштириш фуқароларнинг ёзма аризаларига кўра доимий яшаш жойларидаги ФҲДЁ органлари томонидан ушбу ҳужжатлар ва уларнинг белгиланган тартибда легаллаштирилган ёки апостиль қўйилган ҳолда таржималари асосида, ҳужжатнинг берилган вақти ва жойини кўрсатган ҳолда ва тикланган далолатнома ёзувларини қайд этиш орқали амалга оширилади.
Саволларга Сирдарё вилоят адлия бошқармаси масъул ходими Р.Баходиров жавоб берди.