Янгиликлар

Камолот кубоги

Сирдарё вилояти Гулистон тумани Деҳқонобод касб-ҳунар коллежи ўйингоҳида Ўрта махсус касб-ҳунар таълими ўқувчилари ўртасидаги футбол бўйича "Камолот кубоги” турнири ўтказилди.

Турнир вилоят Маданият ва спорт ишлари бошқармаси, Ўрта махсус, касб-ҳунар таълими бошқармаси ҳамда вилоят Футбол федерацияси билан ҳамкорликда ташкил этилиб, унда Гулистон тумани Деҳқонобод қишлоқ хўжалиги касб-ҳунар коллежи, Сирдарё 4-академик лицейи, Оқолтин тумани Фарғона қишлоқ хўжалиги касб-ҳунар коллежи, Гулистон шаҳар қурилиш касб-ҳунар коллежи, Янгиер қишлоқ хўжалиги касб-ҳунар коллежларининг ўқувчилари иштирок этишди.

Турнир ўйинлари вилоят Футбол федерацияси мутахасисларидан таркиб топган ҳакамлар томонидан адолатли ва ҳаққоний тарзда кузатиб борилди.

Натижаларга кўра, I ўринни Гулистон тумани жамоаси, II ўринни Сирдарё тумани жамоаси, III ўринни Гулистон жамоаси қўлга киритди. Шунингдек, турнирда фаол иштирок этган спортчилар "Энг яхши тўпурар”, "Энг яхши ҳимоячи”, "Энг яхши дарвозабон” номинациялари бўйича тақдирланишди.

Ғолиб жамоага "Камолот” ёшлар иштимоий ҳаракати вилоят Кенгашининг I, II, III даражали дипломлари ва эсдалик совғалари топширилди.

"Камолот кубоги” Республика турнирининг Сирдарё вилоят босқичида 1-ўринни қўлга киритган Гулистон тумани жамоаси май ойининг учинчи ўн кунлигида Жиззах вилоятида ўтказиладиган республика минтақавий босқичида иштирок этадилар.