Янгиликлар
20
Nikoh shartnomasi: Oilaviy munosabatlarda huquqiy kafolat
Nikoh shartnomasi — bu er va xotin o‘rtasida tuziladigan, nikoh davrida yoki ajralish vaqtida ularning mol-mulki, daromadlari, qarz va moliyaviy majburiyatlarini tartibga soluvchi huquqiy hujjatdir. Mazkur hujjat O‘zbekiston Respublikasining Oila kodeksi bilan belgilangan me’yorlar asosida tuziladi.
Ushbu shartnoma er-xotinning mulkiy manfaatlarini himoya qilishga, kelajakdagi kelishmovchiliklarning oldini olishga xizmat qiladi.
Guliston shahar FHDY bo‘limi tomonidan fuqarolar o‘rtasida nikoh shartnomasining mazmuni, ahamiyatini tushuntirish maqsadida -targ‘ibot ishlari olib borilmoqda.
Targ‘ibot tadbirlari davomida shartnomani qanday tuzish, uning yuridik kuchi, amal qilish muddati va shartlarini bekor qilish tartibi haqida batafsil ma’lumotlar berilib, targ‘ibot materiallari tarqatilmoqda.