Янгиликлар
08
O‘g‘iloy Saitqulova “Ziyolilar TOP-100” ro‘yxatida
2025-yil 5-avgust kuni Ilm-fan va ta’lim-tarbiyani rivojlantirish “Ziyo Forum” fondi hamda Oliy ta’lim, fan va innovatsiyalar vazirligi hamkorligida tashkil etilgan “Ziyolilar.talaba” loyihasining tantanali taqdirlash marosimi bo‘lib o‘tdi.
Mazkur loyiha yurtimiz yoshlarining ilmiy-innovatsion muhitini rivojlantirish, intellektual salohiyatini oshirishga munosib hissa qo‘shmoqda.
Shunday salohiyatli va izlanuvchan yoshlar qatorida Boyovut tuman FHDY bo‘limi inspektori O‘g‘iloy Saitqulova ham munosib o‘rin egalladi.
O‘g‘iloy Saitqulova yurtimizdagi eng faol, tashabbuskor va kreativ talabalarni aniqlash maqsadida tashkil etilgan “Ziyolilar TOP-100” loyihasida g‘olib deb topilib, maxsus sertifikat bilan taqdirlandi.
Sirdaryo viloyat adliya boshqarmasi jamoasi O‘g‘iloy Saitqulovani ushbu e’tirof bilan tabriklab, kelgusi faoliyatida ulkan zafarlar tilaydi!