Янгиликлар
08
“Huquqiy mahalla” loyihasi amalda
O‘zbekiston Respublikasi Prezidentining ma’muriy islohotlarga oid farmonini hayotga tatbiq etish maqsadida Xovos tumanidagi O‘zbekiston to‘kinchiligi mahallasida tuman adliya bo‘limi xodimlari tomonidan mahalladagi fuqarolar bilan bevosita muloqot o‘tkazildi.
Dastlab, adliya mas’ullari “mahalla yettiligi” vakillari bilan uchrashib, aholining huquqiy muammolarini muhokama qilishdi hamda ularni hal etish yo‘llari yuzasidan fikr almashildi.
Shundan so‘ng, uyma-uy yurib, aholi bilan suhbatlashildi. Uchrashuvlarda maxsus anketa-savolnomalar orqali fuqarolarning huquqiy muammolari o‘rganildi.
Yoshlar, ayollar hamda ijtimoiy himoyaga muhtoj shaxslarga qonunchilikda nazarda tutilgan imtiyozlar, kommunal xizmatlar, mehnat huquqi va boshqa yo‘nalishlardagi savollar yuzasidan huquqiy maslahatlar berildi.