Янгиликлар
06
Gender tengligi va ayollarning saylovlardagi o‘rni
O‘zbekistonda gender tengligi va xotin-qizlarning siyosiy jarayonlardagi ishtiroki tobora ortib bormoqda. Shubhasiz, bu holat saylov jarayonlarida ham kuzatilmoqda.
Sirdaryo viloyat adliya boshqarmasi hamda “Adolat” SDP Guliston shahar Kengashi bilan hamkorlikda 17-sonli umumta’lim maktabida “Gender tengligi va ayollarning saylovlardagi o‘rni” mavzusida tashkil etilgan targ‘ibot tadbirida ayni mavzuda so‘z bordi.
Tadbirda saylov qonunchiligidagi o‘zgarishlar, xususan saylov jarayonlariga xotin-qizlarni va erkaklarni teng asosda jalb qilinishi, xotin-qizlar va erkaklar uchun teng huquq hamda imkoniyatlar yaratish masalalarga alohida to‘xtalib o‘tildi.
Shuningdek, 2030-yilga qadar O‘zbekiston Respublikasida gender tenglikka erishish strategiyasi mazmun-mohiyati tushuntirilib, mavzu yuzasidan videorolik va taqdimotlar namoyish etildi.