Янгиликлар
01
Xovos tuman adliya bo‘limi tomonidan joriy yilning o`tgan davrida amalga oshirilgan ishlar va navbatdagi rejalar haqida
Ma’lumki, islohatlar jarayonida, Vazirlar Mahkamasining 2021-yil 22-iyundagi 390-sonli qarori bilan mahalliy davlat hokimiyati organlari faoliyatiga qabul qilinadigan qarorlarni ishlab chiqish, kelishish va roʻyxatdan oʻtkazishning yagona “E-qaror” elektron tizimi joriy etilib, hujjatni qog‘oz shaklda amaliyotiga maʼlum darajada chek qoʻyildi.
Xususan, Xovos tumanida mahalliy davlat hikimiyati organlari tomonidan 2025-yil 24-mart kuniga qadar jami 78 ta hujjatlar, shundan 51 tasi hokim qarori va 17 tasi farmoyish, 10 tasi Kengash qarori hisoblanadi. Bu turdagi hujjatlarning 1 tasi normativ tusdagi hujjatlar hisoblanadi.
2025-yilning I-choragi davomida adliya bo‘limi tomonidan mahalliy davlat hokimiyati organlarining jami 1 ta normativ-huquqiy hujjat loyihasiga huquqiy ekspertizadan o‘tkazilib, xulosa berildi.
Bundan tashqari, O‘zbekiston Respublikasi Prezidentining 2021-yil 29-iyundagi PQ–5168-son “Davlat organlari va tashkilotlariga yuridik xizmat ko‘rsatish faoliyatini yanada takomillashtirish chora-tadbirlari to‘g‘risida”gi Qarori bilan adliya bo‘limi tarkibida tashkil etilgan Yuridik xizmat ko‘rsatish markazi tomonida qonuniylikni ta’minlash yuzasidan tumanda jami 61 ta tashkilotga (maktablar, maktabgacha ta’lim tashkilotlari) “E-huquqshunos” elektron tizimi orqali huquqiy xizmat ko‘rsatish yo‘lga qo‘yilgan.
Jumladan, markaz tomonidan 2025-yilning I-choragi davomida jami 2109 ta hujjatlat loyihasi huquqiy ekspertizadan o‘tkazilgan bo‘lib, shundan 87 tasi rad etilgan hamda 1 tasi qonunhujjatlariga nomuvofiq bo‘lganligi sababli salbiy xulosa berilgan.
Shu bilan birga, markaz xodimlari tomonidan 52 ta huquqiy targ‘ibot tadbirlari o‘tkazilgan ulardan 2 tasi televidiniyada, 10 tasi radioda, 12 tasi gazetada amalga oshirilgan.
Huquqni qo‘llash sohasida:
Maʼlumki, “Oʻzbekiston Respublikasi Adliya vazirligi toʻgʻrisida”gi nizomga muvofiq adliya organlariga davlat va xoʻjalik boshqaruvi organlari, mahalliy davlat hokimiyati organlari faoliyatida huquqni qoʻllash amaliyotini izchil va bir xilda taʼminlash boʻyicha tegishli vazifalarni amalga oshirish yuklatilgan.
Xovos tuman adliya bo‘limi tomonidan huquqni qo‘llash masalasida 2025-yilning I-choragi davomida jami 3 ta o‘rganishlar, 5 marotaba ijtimoiy so‘rovnomalar o‘tkazildi.
Bundan tashqari, aniqlangan qonun buzilish holatlari yuzasidan 4 ta taqdimnoma kiritildi hamda 1 nafar shaxs ma’muriy javobgarlikka tortildi.
Shu jumladan, 2025-yilning I-choragi davomida tuman FHDY organi tomonidan bir qator dalolatnoma yozuvlari qayd etilgan.
Xususan, tug‘ilish 416 ta (o‘g‘il bolalar 211 ta, qiz bolalar 205 ta), nikoh 90 ta, nikohdan ajralish 24 ta, o‘lim 90 ta qayd etilgan.
Bundan tashqari, davlat xizmatlari ko‘rsatish yo‘nalishida ham quyidagi ishlar amalga oshirilgan.
Jumladan, 2025-yilning I-choragi davomida jami 9870 ta murojaat kelib tushgan bo‘lib, shundan 6800 tasi o‘zlari kelib murojaat qilgan, 3070 tasi yagona interaktiv davlat xizmatlari portali orqali arizalar yuborgan. Ulardan 1441 tasi yuridik shaxs bo‘lmagan tadbirkorlik subyektlarini davlat ro‘yxatidan o‘tkazish, 93 tasi tadbirkorlik subyektlarini davlat ro‘yxatidan o‘tkazish (yuridik shaxs), 249 tasi qayta ro‘yxatdan o‘tkazish hisoblanadi.
Shuningdek, O‘zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmoniga asosan ilk bor Sirdaryo viloyat Xovos tumanining Yangiyer mahallasida huquqiy mahalla loyihasi amalga oshirilda.
Bundan tashqari, huquqiy mahalla loyihasi doirasida Xovos tumanida joylashgan jami 28 ta mahalla kesimida reja-grafik tasdiqlandi hamda tasdiqlangan reja-grafikka asosan har oyda 1 ta mahallada tuman adliya bo‘limi xodimlari tomonidan uyma-uy yurish orqali fuqarolarning huquqiy muammolari o‘rganilmoqda. O‘rganish natijasida aniqlangan huquqiy muammolar bartaraf etish bo‘yicha choralar ko‘rib borilmoqda.