Янгиликлар
04
Yangi Ózbekistonning Vatanparvar ayollari
"8-mart- Xalqaro xotin-qizlar kuni" munosabati Guliston harbiy prokuraturasi, viloyat Favqulodda vaziyatlar boshqarmasi, Milliy gvardiya Sirdaryo viloyati bo‘yicha boshqarmasi, Guliston shahar FHDY bo‘limi, Guliston shahar oila va xotin-qizlar bo‘limi hamda O‘zbekiston Yoshlar ittifoqi Sirdaryo viloyati Kengashi bilan hamkorlikda harbiy ayollar o'rtasida "Yangi O‘zbekistonning vatanparvar ayollari" ko‘rik-tanlovi o'tkazildi.
Tanlovda ishtirokchilar quyidagi shartlar asosida:
1-shart: Tanishtiruv;
2-shart: She'rni ifodali o'qish;
3-shart: "Huquqni bilasizmi?" mavzusida savol-javob;
4-shart: Milliy taom tayyorlash.
Ushbu tanlovda milliy qadriyatlarimiz, urf-odat va an’analarimiz targ‘ib qilindi. Qizlarning pazandalik mahorati, tezkorligi, huquqiy savodxonligi, hozirjavobligi hamda ijodkorlik qobiliyatlari sinovdan o‘tkazildi.
Tanlov barchada qiziqish uyg‘otdi. Har bir shartga yuqori tayyorgarlik bilan yondashgan jamoalar tanlov davomida chaqqon va zukko ekanliklarini namoyish etishdi.
Bellashuv kõtarinki kayfiyatda õtkazilib, tadbir davomida bayramona konsert dasturi davom etildi.
Sirdaryo viloyat adliya boshqarmasi Axborot xizmati