Янгиликлар
06
Davlat xizmatlari ko‘rsatilishi jarayonlarida shaffoflik muhim
Sirdaryo viloyati adliya boshqarmasi Davlat xizmatlari ko‘rsatilishi ustidan nazorat qilish sho‘basi tomonidan “Sirdaryo suv ta’minot” MCHJ va uning tuman (shahar) filiallari mas’ul xodimlari ishtirokida aholi va tadbirkorlik subyektlariga davlat xizmatlari ko‘rsatilishida qonunchilik talablari buzilishini oldini olish, shuningdek, yuzaga kelayotgan muammolarni aniqlash va ularni bartaraf etish bo‘yicha o‘quv-seminar o'tkazildi.
ZOOM platformasi orqali tashkil etilgan seminarda Vazirlar Mahkamasining 2018-yil 31-martdagi 256-son qarori bilan tasdiqlangan ma’muriy reglament hamda 2019-yil 20-avgustdagi 698-son qarori bilan tasdiqlangan ma’muriy reglamentlar mazmun-mohiyati tushuntirildi.
Tadbir davomida davlat xizmatlari ko‘rsatish jarayonida yo‘l qo‘yilayotgan xato va kamchiliklar, ularni oldini olish bo‘yicha tavsiyalar berildi.
Yakunda ishtirokchilarni savollariga javoblar berildi.