Янгиликлар
07
HUQUQIY MAHALLADA "ADLIYA KUNI"
Boyovut tumanidagi "U.Yusupov" mahallasida "Adliya kuni" doirasida targ‘ibot tadbiri va sayyor qabul o‘tkazildi.
Tadbirda dastlab qonunchilikdagi yangiliklar haqida ma’lumot berildi.
Shuningdek, "Mening mahallamda jinoyatchilik bo‘lmaydi" dasturi va yo‘l xaritada belgilangan vazifalar, firibgarlik jinoyatining jabrlanuvchisi bo‘lib qolishning oldini olish yuzasidan tushunchalar berildi.
Fuqarolar ishtirokidagi sayyor qabulda 20 ga yaqin murojaatlar qabul qilindi. Ushbu murojaatlar asosan noqonuniy egallab olingan er uchastkalarida qurilgan uy-joylar uchun kadastr hujjatlari mavjud emasligi yoki egalik huquqini belgilash yuzasidan bo‘lib, tegishli tartibda ish yurituvga olindi.
Shuningdek, meros ishi, mehnat qonunchiligi, oila va nikoh munosabatlariga oid murojaatlar ham qonun doirasida ko‘rib chiqiladigan bo‘ldi.
Tadbir davomida aholiga sayyor davlat xizmatlari ham ko‘rsatildi.