Янгиликлар
08
ADLIYA TABRIGI
Aziz va dilbar opa-singillar!
Vatanimiz taraqqiyotida, oila va jamiyat hayotida xotin-qizlar muhim o‘rin va mavqega ega.
Ayollarimiz mamlakatimizning ijtimoiy-siyosiy, iqtisodiy hayotidagi barcha sohalarda samarali mehnat qilib kelmoqda.
Xususan, adliya sohasida ham siz kabi yuzlab oqila ayollarimiz faoliyat yuritib kelmoqda hamda soha rivoji, yurt ravnaqiga o‘zining munosib hissasini qo‘shmoqda.
Qayd etish joiz, biz bilan bir safda turib, o‘z kasbingizdan baraka topib, ham ish, ham oilaga ulgurayotganingizning o‘zi ulug‘ jasorat.
Fursatdan foydalanib, Siz azizlarni 8-mart – Xalqaro xotin-qizlar kuni bayrami bilan chin qalbimdan muborakbod etaman.
Barchangizga oilaviy xotirjamlik, xonadonlaringizga tinchlik, fayzu baraka tilayman. Go‘zallik, bahoriy kayfiyat, ishga sadoqat va shijoat Sizni aslo tark etmasin. Bayramingiz muborak bo‘lsin!
Hurmat bilan, J. Zoxidov