Янгиликлар
11
Bir oilaga 5 ta hujjat topshirildi
Oqoltin tuman FHDY organi tomonidan “Huquqiy-mahalla” loyihasi doirasida Andijon mahallasida olib borilgan o‘rganishlar davomida fuqaro G‘. Axunjanov va uning oila a’zolarining hujjatlar bilan bog‘liq muammolari mavjudligi yuzasidan murojaati qabul qilingan edi.
Xususan, oila boshi G‘.Axunjanovning shaxsini tasdiqlovchi hujjatining muddati o`tib ketgan, turmush o‘rtog‘i bilan 18 yildan buyon sha`riy nikoh asosida yashab kelmoqda, ikki nafar farzandiga otalik belgillanmagan. 2008 yilda tug‘ilgan farzandi esa fuqarolik passportini olmagan. Vaholanki, 16 yoshga to‘lgan O‘zbekiston Respublikasining barcha fuqarolari pasportga (ID-karta) ega bo‘lishlari kerak.
“Hech bir shaxs hujjatsiz qolmaydi” aksiyasi doirasida oilaga amaliy ko‘mak berildi. Jumladan, fuqaro G‘.Axunjanov hamda farzandi S.Kabilovaga ID karta rasmiylashtirib berildi.
Shuningdek, oilaning 18 yillik shar’iy nikohi qonuniy qayd etildi, 2 nafar farzandiga otalik belgilanib, guvohnomalar berildi.