Янгиликлар
11
Sirdaryolik tadbirkorlarning muammolari o'rganildi
Adliya vazirligi Intellektual mulk markazi, Bojxona qo‘mitasining Tadbirkorlar faoliyatini qo‘llab-quvvatlash boshqarmasi, Adliya hamda Bojxona boshqarmalari masʼul xodimlari tomonidan Sirdaryo tumani erkin iqtisodiy zonasida joylashgan "PENG SHENG CHARM" mas’uliyati cheklangan jamiyatida tadbirkorlar ishtirokida sayyor qabul oʻtkazildi.
Tadbirda dastlab intellektual mulk sohasida oid qonunchilik hujjatlari mazmun-mohiyati, kontrafakt tovarlarni ishlab chiqarganlik uchun belgilangan choralar haqida to‘xtalib o‘tildi.
Muloqotda mamlakatda kontrafakt mahsulotlar realizatsiyasining oldini olish, intellektual mulkning ishonchli huquqiy himoyasini ta’minlash borasida izchil chora-tadbirlar amalga oshirilayotganligi ta’kidlanib, ushbu yo‘nalishlarida hamon bir qator masalalar dolzarbligicha qolayotgani ta’kidlab o‘tildi.
Shuningdek, tovar belgilari va xizmat ko'rsatish belgilarini hamda foydali model yoki sanoat namunasi sifatida roʻyxatdan oʻtkazish uchun talabnoma topshirish tartibi, xususan, talabnomalarni to‘g‘ri tuzish, topshirish, ular bo‘yicha ish yuritish masalalari yuzasidan fikrlar bildirildi.
Sayyor qabul davomida tadbirkorlarning intellektual mulk bilan bo‘liq faoliyatlari jarayonida yuzaga kelayotgan muammolari tinglandi.
Jarayonda 7 nafar tadbirkorlik subyektlariga uslubiy yordab ko'rsatilib, “NONE-COMPUTERS GROUP" MCHJning "MAGIC SAFARI" va "ONERC" tovar belgilarini davlat ro'yxatidan o'tkazishga talabnoma topshirishga ko'maklashildi.
Sirdaryo viloyat adliya boshqarmasi Axborot xizmati