Янгиликлар
16
SAYYOR XIZMAT - TAYYOR XIZMAT
Guliston shahar davlat xizmatlari markazi tomonidan “Nihol” mahallasida aholiga sayyor xizmat ko‘rsatish maqsadida targ‘ibot tadbiri o‘tkazildi.
Tadbirda dastlab aholi va tadbirkorlik sub’yektlariga davlat xizmatlari markazi tomonidan ko‘rsatilayotgan xizmat turlari va ulardan foydalanish tartibi, onlayn davlat xizmatlari va uning afzalliklari haqida tushunchalar berildi.
Sayyor xizmat davomida bolani davlat maktabgacha ta’lim muassasasiga joylashtirish, elektron raqamli imzo kalitini olish, kadastr pasportini rasmiylashtirish, fuqarolarni jamg‘arib boriladigan pensiya ta’minoti tizimiga hisobga olish bo‘yicha 20 dan ziyod davlat xizmatlari ko‘rsatildi.
Shuningdek, saylov qonunchiligi, energoresurslar bilan bog'liq yangiliklar batafsil tushuntirilib, targ'ibot materiallari tarqatildi.