Янгиликлар
30
Bir bo'lsak - yagona xalqmiz, birlashsak - Vatanmiz!
"Bir bo'lsak - yagona xalqmiz, birlashsak - Vatanmiz!" shiori ostida o‘tkazilayotgan bu yilgi bayram shodiyonalari Sirdaryoda ham o‘zgacha shukuh va a’lo kayfiyat bilan nishonlanmaqda. Bayram shukuhi ko‘ngillarga ko‘chgan.
O‘zbekiston Mustaqilligining 33 yilligi munosabati bilan “Eng ulug‘, eng aziz” tanlovining viloyat bosqichi Guliston shahrida tashkil etildi.
Bayram tadbirini viloyat hokimining o'rinbosari Shoxruh Isaqulov kirish so'zi bilan ochdi va Mustaqillik atalmish buyuk ne’matnining qadr-qimmati, hayotimizda tutgan o‘rni va ahamiyati haqida o'z fikr-mulohazalarini bildirdi.
Jurnalistlar, ijodkorlar, nodavlat notijorat tashkilotlari vakillari va keng jamoatchilik ishtirok etgan mazkur tadbirda Adliya boshqarmasi mas’ul xodimi D.Umurzoqova so‘zga chiqib, Mustaqillik bergan imkoniyatlar, so‘z, fikr va axborot erkinligi, jurnalistlarga qonunchilikda berilgan kafolatlar haqida to‘xtalib o‘tdi.
“Bir bo‘lsak, yagona xalqmiz, birlashsak - Vatanmiz!” g‘oyasi asosida o‘tgan mazkur tanlovda keyingi bir yil ichida ijtimoiy-siyosiy, iqtisodiy munosabatlarning mazmun-mohiyati yoritilgan publisistik, badiiy ishlanmalar, eng yaxshi kitoblar ko‘rib chiqildi.
Tanlovga taqdim etilgan materiallar puxta o‘rganilib, yakdil qaror qabul qildi. Unga ko‘ra quyidagi jurnalist va erkin ijodkorlar yo‘nalishlar bo‘yicha sovrinli o‘rinlarni egalladilar.
“TELEVIDENIYE VA RADIO IJODKORLARNING MATERIALLARI” YO‘NALISHI BO‘YICHA
1. Hakimova Nigora – Sirdaryo viloyat TRK ning radioeshittirishlar bo‘yicha bosh muharriri.
2. Bobodo‘stov Fayzulla – Sirdaryo viloyat TRKning teleko‘rsatuvlar bo‘yicha bosh muharriri.
3. Dilfuza Qosimova – erkin ijodkor.
“INTERNET JURNALISTIKASI XODIMLARINING JURNALISTIK ISHLARI” YO‘NALISHI BO‘YICHA
1. Umrzoqova Dilnoz – Sirdaryo viloyat adliya boshqarmasi axborot xizmati rahbari, O‘zbekiston Jurnalistlar uyushmasining a’zosi.
2. Namozov Suyun – “Sharafli yo‘l” gazetasi bosh muharriri, O‘zbekiston Jurnalistlar uyushmasi a’zosi.
3. Yusupjonova Xurshida – Sirdaryo viloyat ekologiya,atrof-muhitni muhofaza qilish va iqlim o‘zgarishi boshqarmasi matbuot kotibi.
“PUBLISISTIK JANRDAGI ENG YAXSHI KITOB” YO‘NALISHI BO‘YICHA
1. Mavlonov Elmurod – faxriy jurnalist, O‘zbekiston Jurnalistlar uyushmasining a’zosi.
2. Quvondiqov Ilyos – Toshkent kimyo texnologiya instituti Yangiyer filialining dotsenti, O‘zbekiston Jurnalistlar va Yozuvchilar uyushmavsining a’zosi.
3. Burliyev Abdurazzoq – faxriy jurnalist, O‘zbekiston Jurnalistlar uyushmasining a’zosi.
“YOZUVCHI VA SHOIRLARNING BADIIY ASARLARI” YO‘NALISHI BO‘YICHA
1. Hasanova Yanglish – jurnalistika faxriysi, O‘zbekiston Jurnalistlar uyushmasining a’zosi.
2. Abdumo‘minova Odina – Boyovut tumanilik erkin ijodkor.
3. Hayitboyev Yorqinbek – “Tafakkur va dunyo” gazetasi bosh muharriri.
“TASVIRIY SAN’AT, FOTO ASARLARI VA DIZAYN ISHLARI” YO‘NALISHI BO‘YICHA
1. Hamidullayev Humoyun – YATT “Chariyev Abdulvohid To‘rayevich” dizayneri.
2. Maxammatova Sevinch – Guliston shahar 11-maktabning 11-sinf o‘quvchisi.
3. Olimova Lobar – Guliston shahar 1-son bolalar musiqa va san’at maktabi 3-sinf o‘quvchisi.
“BOSMA NASHRLAR XODIMLARINING ENG YAXSHI JURNALISTIK ISHLARI” YO‘NALISHI BO‘YICHA
1. Ahmedov Mamadali (Muhammadali Ahmadiy) – “Yangi Sirdaryo” gazetasining bo‘lim mudiri.
2 - o‘rin - Ahmadaliyev To‘lkun - “Novaya Sirdarya” gazetasi bo‘lim mudiri.
2 - o‘rin Nishonova Xurshida – “Yangi Sirdaryo” gazetasi bo‘lim mudiri.
G'oliblarga diplom va sovg'alarni viloyat hokimi o'rinbosari Shoxruh Isaqulov topshirdi.
Sirdaryo viloyat adliya boshqarmasi Axborot xizmati