Янгиликлар
30
ADLIYA KUNI O‘TKAZILDI
Guliston tuman adliya bo'limi, DXM va YXKM xodimlari tomonidan “Birlashgan” mahallasida tashkil etilgan tadbirda “A.Navoiy”, “Beshbuloq”, “Inoqlik” mahallalari fuqarolari ham ishtirok etishdi.
Tadbirda dastlab saylov qonunchiligi, energoresusrlar bilan bog‘liq yangiliklar, xotin-qizlar huquqlari, ijtimoiy himoya, yoshlar masalalariga oid qonunchilik hujjatlari mazmun-mohiyati tushuntirildi.
Shundan so‘ng, sayyor qabul o‘tkazilib, aholining kundalik hayotida uchrayotgan huquqiy muammolar o‘rganildi.
Muloqot davomida kadastr hujjatlarini rasmiylashtirish, moddiy yordam olish, bandlik, bank-kredit, notarial harakatlar, nogironlikni belgilash, yer-auksionda ishtirok etish, uy oldi-sotdisi bilan bog‘liq yo‘nalishlarda 30 ga yaqin murojaatlar kelib tushdi.
Mazkur murojaatlar yuzasidan zarur huquqiy tushuntirishlar berilib, aniqlangan 5 ta huquqiy muammo o‘rganish uchun ish yurituvga olindi.