Янгиликлар
03
TIBBIYOT XODIMLARI BILAN MULOQOT
Mamlakatimizda sog‘liqni saqlash sohasida izchil islohotlar amalga oshirilmoqda. Ayniqsa, aholiga ko‘rsatilayotgan tibbiy xizmatlar sifatini yanada oshirish masalalari ustuvor vazifalardan biri sanaladi. Xo‘sh, sohani takomillashtirishga qaratilgan islohotlar ijrosi Sirdaryo viloyatida qay darajada bo‘y ko‘rsatmoqda? Bugun tizimda yechimini kutayotgan qanday muammolar bor?
Respublika ishchi guruhining Yangiyer shahar va Xovos tuman tibbiyot birlashmalari shifokorlari bilan muloqotida ayni mavzuda so‘z bordi. Uchrashuv mobaynida tizim xodimlari bilan o'zaro fikr almashildi, ularning muammo va takliflari tinglandi.
Shuningdek, tadbirda sog‘liqni saqlash tizimini korrupsiyadan xoli sohaga aylantirish, tizimga ochiqlik va shaffoflik prinsiplarini joriy qilish masalalariga alohida urg‘u berildi.
Yakunda ishtirokchilarga qonunchilikdagi yangiliklarga doir targ‘ibot materiallari tarqatildi.
Sirdaryo viloyat adliya boshqarmasi Axborot xizmati