Янгиликлар
24
Konstitutsiyaviy islohotlarda aholi farovonligi hamda davlat va jamiyat taraqqiyotini ta’minlash maqsadi mujassam
Ipoteka bank ATIB Sirdaryo viloyat filialida O‘zbekiston Respublikasi Konstitutsiyasi loyihasi hamda referendum qonunchiligi mazmun-mohiyatini tushuntirish yuzasidan seminar tashkil etildi.
Unda Guliston shahar yuridik xizmat ko‘rsatish markazi bosh yuriskonsulti S.Xalilov konstitutsiyaviy islohotlar va uning ahamiyati haqida ma’ruza qildi.
Ta’kidlanganidek, konstitutsiya xalqimizning huquq va manfaatlarini oliy o‘ringa qo‘ygan holda o‘zining qat’iy normalarini hayotga tatbiq eta olgan hujjatdir. Bugungi shiddatkor davr va taraqqiyot asrida Yangi O‘zbekistonning huquqiy poydevorini yanada mustahkamlash zarurati yuzaga keldi. Shu bois yurtimizda Konstitutsiyaviy islohotlar olib borilyapti.
Tadbirda konstitutsiyaga kiritilayotgan o‘zgartirishlar,уangilanayotgan konstitutsiyaning aholi farovonligi hamda davlat va jamiyat taraqqiyotini ta’minlashdagi ahamiyati haqida batafsil to‘xtalib o‘tildi.
Shuningdek, muloqotda referendum qonunchiligi, referendum o'tkazish, referendumda ovoz berish tartiblari haqida keng ma’lumotlar berildi.
Yakunda mavzuga doir targ‘ibot materiallari tarqatildi.
Sirdaryo viloyat adliya boshqarmasi Axborot xizmati