Янгиликлар
24
KONSTITUTSIYAVIY ISLOHOTLAR INSON MANFAATLARI UCHUN
Ma’lumki, 2022 yilda ikkita yetakchi siyosiy partiya – Tadbirkorlar va ishbilarmonlar harakati — O‘zbekiston Liberal-demokratik partiyasi hamda O‘zbekiston “Milliy tiklanish” demokratik partiyasining Oliy Majlis Qonunchilik palatasidagi fraksiyalari tomonidan mamlakatimizda konstitutsiyaviy islohotlar bo‘yicha muhim tashabbus ilgari surilgan edi.
Bugun ushbu tashabbusning amaliy ifodasi sifatida Yangi O‘zbekistonning huquqiy poydevori yaratildi, yangi Konstitutsiya loyihasi ishlab chiqildi. Aytish mumkinki, Asosiy qonunimizning 65 foiz matni xalqimiz takliflari asosida yangilandi.
Xovos tuman adliya bo‘limi va O‘zbekiston Liberal-demokratik partiyasi hamkorligida 1-son umumta’lim maktabida tashkil etilgan seminarda O‘zbekiston Respublikasi Konstitutsiyasi loyihasi mazmun-mohiyati hamda rerendum qonunchiligi haqida so‘z bordi.
Tadbirda konstitutsiyaviy islohotlardan ko‘zlangan maqsad, Loyihada nazarda tutilgan o‘zgartirishlar haqida batafsil ma’lumotlar berildi.
Yakunda ishtirokchilar Konstitutsiyaviy islohotlarga oid o‘zlarini qiziqtirgan savollarga javob olishdi.
Sirdaryo viloyat adliya boshqarmasi Axborot xizmati