Янгиликлар
Firibgarlar tuzog'idan ogoh bo'ling!
Inson hayoti davomida ko‘plab odamlar bilan muloqotga kirishadi, turli xil munosabatlar o‘rnatiladi, bu tabiiy. Ammo shunday insonlar ham uchraydiki, ular insonlarning soddaligi, ishonuvchanligini suiiste’mol qiladi. Bundaylarni firibgarlar va tovlamachilar deb atash mumkin.
So‘nggi vaqtlarda firibgarlik, tovlamachilik bilan bog‘liq jinoyatlar soni, afsuski keskin oshmoqda. Oqoltin tuman adliya bo‘limi tomonidan "qizil" toifaga kiritilgan "A.Navoiy" mahallasida tashkil etilgan tadbirda firibgarlik jinoyati, uning huquqiy oqibatlari haqida atroflicha so‘z yuritildi.
Firibgarlik jinoyatini sodir etish uslublari haqida gap ketar ekan, pul oldi-berdisi, chet elga ishga yuborishni va’da qilish, o‘qishga kiritishga doir aldov yo‘li bilan ushbu turdagi jinoyatlarni sodir etish holati ko‘payganligi muloqot davomida alohida qayd etildi.
Shuningdek, tadbirda odam savdosi, korrupsiyaga qarshi kurashish borasida qabul qilingan qonunchilik hujjatlari mazmun-mohiyati, davlat organlari va tashkilotlariga murojaat qilish tartibi haqida batafsil ma’lumotlar berilib, ishtirokchilarni qiziqtirgan savollarga huquqiy tushuntirishlar berildi.
Sirdaryo viloyat adliya boshqarmasi Axborot xizmati