Янгиликлар
16
Sirdaryo tumanida tadbirkorlar uchun sayyor qabul tashkil etildi
Tadbirkor boy bo‘lsa, xalq ham, davlat ham boy bo‘ladi. Ana shu ezgu shior ostida mamlakatimizda biznes muhitini yaxshilash, aholini tadbirkorlikka keng jalb qilish bo‘yicha keng ko‘lamli islohotlar amalga oshirilmoqda. Ayniqsa, tadbirkorlik sub’yektlarining huquqlari va qonuniy manfaatlarini himoya qilish, tadbirkorlar murojaatlari bilan manzilli ishlashning samarali mexanizmi yaratilgani, ushbu yo‘nalishda yuzaga kelayotgan ko‘plab muammolarni bartaraf etish imkonini bermoqda.
Sirdaryo tumanida “Tadbirkorlar kuni” doirasida Adliya bo‘limi, Sirdaryo viloyat sudining iqtisodiy ishlar bo‘yicha sudlov hay’ati, Savdo-sanoat palatasi hududiy boshqarmasi tomonidan "Sirdaryo biznes-akselerator" binosida tumandagi tadbirkorlar uchun sayyor qabul tashkil etildi.
Tadbir avvalida sohaga oid qonunchilikdagi yangiliklar tadbirkorlar e’tiboriga yetkazildi.
Shundan so‘ng, tadbirkorlar bilan ochiq muloqot o‘tkazilib, ularning muammolari o‘rganildi.
Jarayonda 10 ga yaqin murojaatlar kelib tushdi. “PLASTIK START” MCHJ rahbarining investisiya majburiyatlarini bajarish va ko‘rsatilgan ish o‘rinlarini to‘liq yaratishda belgilangan muddatni uzaytirishda amaliy yordam so‘rab qilgan murojaati adliya bo‘limi tomonidan o‘rganish uchun ish yurituvga qabul qilindi.
Sayyor qabulda har bir tadbirkorning murojaati tinglanib, zarur huquqiy tushuntirishlar berildi.
Sirdaryo viloyat adliya boshqarmasi Jamoatchilik bilan aloqalar bo'limi