Zero, din va e’tiqod masalalari inson ma’naviyatining uzviy qismidir. Sirdaryo viloyat adliya boshqarmasi tomonidan Boyovut tuman imom-xatiblari uchun tashkil tashkil etilgan navbatdagi seminar “Vijdon erkinligi va diniy tashkilotlar to‘g‘risida”gi qonun hamda Vazirlar Mahkamasining “Diniy mazmundagi materiallarni tayyorlash, olib kirish va tarqatish hamda dinshunoslik ekspertizasini o‘tkazish tartibi to‘g‘risidagi nizomni tasdiqlash haqida”gi qarori mazmun-mohiyatini tushuntirishga qaratildi.

Tadbirda adliya boshqarmasi Nodavlat notijorat tashkilotlar bo‘limi boshlig‘i Q.Ahmadjonov jismoniy shaxslar tomonidan o‘z ehtiyojlari uchun hamda ilmiy-tadqiqot o‘tkazish maqsadlarida har bir nomlanishdagi diniy mazmundagi materialdan uch nusxadan oshmagan miqdorda vakolatli tashkilotlar tomonidan ijobiy xulosa olingandan keyin O‘zbekiston Respublikasi hududiga olib kirilishiga yo‘l qo‘yilishi haqida so‘z yuritdi.

Muloqot qizg‘in baxs-munozaraga boy bo‘lib, amaliyotdagi mavjud muammolar xususida fikr almashildi.

Sirdaryo viloyat adliya boshqarmasi Jamoatchilik bilan aloqalar bo‘limi