Ўзбекистон Республикаси Адлия вазирлигининг юридик техникумлари битирувчиларига «юриспруденция» мутахассислиги бўйича юридик кадрларни тайёрлашни амалга оширувчи давлат олий таълим ташкилотлари бакалавриатига ўқишга кириш учун йўлланмалар бериш юзасидан танлов ўтказиш тартиби тўғрисидаги низомни тасдиқлаш ҳақидаги Адлия вазирининг буйруғи давлат рўйхатидан ўтказилди (рўйхат рақами: 3370 , 2022 йил 03 июнь).

Ушбу буйруқ билан қуйидагилар:

Битирувчиларга йўлланма бериш бўйича танловни ташкил этиш ва ўтказиш;

битирувчилар махсус комиссияга йўлланма беришни сўраб онлайн платформа орқали мурожаат қилиш;

танлов натижалари бўйича берилган апеллация бериш ва уни кўриб чиқиш;

битирувчиларнинг йўлланма олиш учун минимал талабларни тасдиқловчи ҳужжатларини 100 баллик тизимда баҳолаш мезонлари;

автоматик равишда онлайн платформа орқали олий таълим ташкилотлари кесимида тақсимлаш каби бир қатор тартиблар белгилангди;

Йўлланмалар қуйидаги минимал талабларни бажарган битирувчиларга берилади:

  кундузги таълим шаклида ўқиган битирувчилар:

ҳар бир фан бўйича ўзлаштириш кўрсаткичи рейтинг натижалари бўйича 71 ва ундан ортиқ фоизни ташкил қилиши;

чет тилини Б2 ва ундан юқори даражада билишини тасдиқловчи амалдаги давлат малака сертификатига ёки халқаро сертификатга эга эканлиги;

маънавий-маърифий ва жамоат ишлари, лойиҳалар ва танловларда фаол иштирок этиши, шахсий ютуқлар мавжудлиги;

ички тартиб-қоидаларга, одоб-ахлоқ қоидаларига риоя этиши ва намунали хулқ-атворга эгалиги;

сиртқи ёки масофавий таълим шаклларида ўқиган битирувчилар:

умумий ўзлаштириш кўрсаткич рейтинг натижалари бўйича 85 ва ундан ортиқ фоизни ташкил қилиши керак;

чет тилини Б2 ва ундан юқори даражада билишини тасдиқловчи амалдаги давлат малака сертификатига ёки халқаро сертификатга эга эканлиги;

ички тартиб-қоидаларга, одоб-ахлоқ қоидаларига риоя этиши ва намунали хулқ-атворга эгалиги.