Янгиликлар

Korrupsiyaviy omillarni keskin kamaytirishda jamoatchilik ishtiroki muhim

Shirin shahar adliya bo‘limi tomonidan Xalq ta’limi bo‘limida “Biz korrupsiyaga qarshimiz” mavzusida ochiq muloqot tashkil etildi. 

Tadbirda O‘zbekiston Respublikasi Prezidentining 2021 yil 6 iyuldagi “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to‘g‘risida”gi PF-6257-son Farmoni hamda “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida”gi PQ-5177-son Qarori mazmun-mohiyati xususida batafsil so‘z yuritildi.

- Ochiqlik, oshkoralik ta’minlansa, jazo muqarrar bo‘lsa, har bir fuqaroda korrupsiyaga murosasizlik kayfiyati shakllantirilsa, ijtimoiy munosabatlarda sub’yektiv omillar aralashuvi kamaysa jamiyat taraqqiy etadi,- dedi adliya bo‘limi boshlig‘i I.Hakimov. 

Shuningdek, tadbir davomida mehnat qonunchiligi, yangi qabul qilingan bir qator normativ-huquqiy hujjatlar mazmun-mohiyati haqida keng ma’lumotlar berilib, ishtirokchilarni qiziqtirgan savollariga tegishli javoblar berildi.

Sirdaryo viloyat adliya boshqarmasi Jamoatchilik bilan aloqalar bo‘limi