Янгиликлар
“Ayollar daftari”da turgan xotin-qizlarga sayyor xizmatlar ko‘rsatildi
Sardoba tumanidagi “Bo‘ston” mahallasi tumandagi ijtimoiy-iqtisodiy ahvoli nisbatan og‘ir hudud deb belgilangan.
Тuman adliya bo‘limi tomonidan mazkur mahallada tashkil qilingan tadbir “Ayollar daftari”da turgan xotin-qizlarning huquqiy savodxonligini oshirish, ularning muammolarni o‘rganish, shuningdek, sayyor tartibda davlat xizmatlarini ko‘rsatish maqsadiga qaratildi.Uchrashuv davomida “Ayollar daftari”da turgan xotin-qizlarga ta’lim olish, tadbirkorlik foaliyati bilan shug‘ullanish, uy-joy va kretit olish, sabzavotchilik, poliz, dukkakli, moyli ekinlar, kartoshka yetishtirish kabi loyihalarni amalga oshirish tartibi yuzasidan huquqiy tushuntirishlar berildi.
Xususan, farzandini bog‘chaga navbatga qo‘yish yuzasidan 6 ta, kadastr hujjatlarini rasmiylashtirish yuzasidan 2 ta ariza qabul qilindi.
Tadbir so‘ngida ishtirokchilarni qiziqtirgan, kundalik hayotda tez-tez uchraydigan masala va muammolarga huquqiy tushuntirish va bepul maslahatlar berildi.
Sirdaryo viloyat adliya boshqarmasi Huquqiy targ‘ibot va ma’rifat bo‘limi