Янгиликлар
17
#Диққат_танлов
Хабарингиз бор, Адлия вазирлиги томонидан жорий йил 15 майдан 15 июнга қадар “Қоидаларга йўл ҳам бўйсунади” шиори остида йўл ҳаракати хавфсизлиги бўйича ҳуқуқий саводхонлик ойлиги эълон қилинган.
Ойлик доирасида “Бир қадам” видеороликлар танловини ўтказиш белгиланган.
Танловда барча иштирок этиши мумкин.
Видеороликларни баҳолаш ва ғолибни аниқлашда қуйидагиларга алоҳида эътибор қаратилади:
мавзу моҳиятини тўғри тушунганлик;
ҳолатни ёритишда таъсирчан ифода;
оригинал ёндашув.
Видеороликнинг давомийлиги 1 дақиқадан ошиб кетмаслиги керак.
Танловга материаллар 10 июнгача @birqadamtanlovibot телеграм боти орқали қабул қилинади.
Танловга тақдим этилган видеороликлар ҳакамлар ҳайъати томонидан сараланиб, ижтимоий тармоқларда кенг ёритилади.
Танлов ғолиби планшет ҳамда диплом билан тақдирланади.
Ҳуқуқий, ижодий салоҳиятингизни намоён этинг ва ғолиб бўлинг!