Янгиликлар

Sayyor qabul muammolar yechimiga xizmat qiladi

Yangiyer shahar adliya bo‘limi bilan Xalq qabulxonasi hamkorligida Navro‘zobod mahallasida sayyor qabul o‘tkazildi.

Sayyor qabulda ishga joylashish, ish haqini undirish, aliment, nafaqa tayinlash, bola puli, moddiy yordam olishda yordam berish kabi masalalarda aholidan 7 ta murojaat kelib tushdi.

Sayyor qabul jarayonida aholini qiynab kelayotgan hayotiy muammolari tinglanib, 4 ta murojaatga joyida huquqiy tushuntirish berildi, 3 ta murojaat o‘rganish uchun ish yurituviga olindi.

Xulosa o‘rnida aytganda, fuqarolarning murojaat qilish huquqi inson huquqlari ta’minlanishi va samarali himoya qilinishining muhim omillaridan biridir. 

Aytish mumkinki, mazkur sayyor qabul ham aholi murojaatlari bilan ishlash, ularning muammolariga huquqiy yechim topishda muhim ahamiyatga ega bo‘ldi.

Sirdaryo viloyat adliya boshqarmasi Huquqiy targ'ibot va ma'rifat bo'limi