Янгиликлар
06
Сирдарё туманида маҳалла раиси сайловини ўтказиш бўйича семинар ташкил этилди
Маҳалла ва нуронийларни қўллаб-қувватлаш бўлими ҳамда туман Адлия бўлими ҳамкорликда ўтказилган семинарда нуронийлар, маҳалла раислари, маҳалла ҳодимлари ва фуқаролар йиғинлари раислари (оқсоқоллари) сайловини ташкил этиш ва ўтказишга кўмаклашувчи туман комиссияси аъзолари иштирок этишди.
Семинар давомида туман Адлия бўлими бошлиғи Камолиддин Эрназаров томонидан "Фуқаролар йиғини раиси (оқсоқоли) сайлови тўғрисида"ги Қонуннинг мазмун ва маҳияти таништириб ўтилди.
Шунингдек, семинарда маҳалла раиси сайловини ўтказиш билан боғлиқ видеролик намойиш этилди.