Янгиликлар

Yuridik xizmat ko‘rsatiladigan tashkilotlar soni ko‘payadi

Guliston tumani yuridik xizmat kzrsatish markazi tashabbusi bilan xalq taʼlimi bo‘limi bilan hamkorlikda tuman hududidagi barcha umumiy o‘rta taʼlim maktablari direktorlari uchun i “ZOOM” platformasi orqali seminar tashkil etildi.

Tadbirda “Yuridik xizmat ko‘rsatish markazlari faoliyatini yanada kengaytirish bo‘yicha qo‘shimcha chora-tadbirlar to‘g‘risida”gi Prezident qarori mohiyati tushuntirildi.

Endilikda davlat umumiy o‘rta ta’lim maktablariga ham yuridik xizmat ko‘rsatish markazlari tomonidan xizmat ko‘rsatilishi, “E-huquqshunos” elektron tiziminining imkoniyatlari, afzalliklari xususida so‘z yuritildi.

Shuningdek, 2022 yil 1 maygacha “E-huquqshunos” elektron tizimini texnik jihatdan qo‘llab-quvvatlash va maslahatlar berib borish maqsadida “call-markaz” tashkil qilinishi ta’kidlandi.

Sirdaryo viloyat adliya boshqarmasi Huquqiy targ‘ibot va ma‘rifat bo‘limi