Янгиликлар

ДИҚҚАТ, ЭЪЛОН!

Сирдарё вилоят адлия бошқармаси ҳузурида янги ташкил этилаётган Юридик хизмат кўрсатиш марказларидаги бўш (вакант) лавозимлар:

Фаолият йўналиши:

·     юридик хизмат кўрсатиладиган давлат органлари ва ташкилотлари фаолиятини ҳуқуқий жиҳатдан таъминлаш;

·     давлат ташкилотларига сифатли ва малакали юридик ёрдам кўрсатиш;

·     давлат ташкилотлари ходимларининг ҳуқуқий саводхонлиги ва ҳуқуқий маданиятини ошириш;

·     давлат ташкилотларининг мулкий ҳамда бошқа ҳуқуқлари ва қонуний манфаатлари ўз вақтида, ҳар томонлама ва самарали ҳимоя қилинишини таъминлаш;

·     давлат ташкилотлари томонидан қабул қилинаётган ҳужжатларнинг қонуний ҳамда ҳар томонлама пухта ва сифатли бўлишини таъминлаш.

  Фаолият соҳаси асосида қуйидаги билим-кўникмаларга эга бўлиш зарур:

·     фаолият йўналишлари бўйича қонунчилик ва ҳуқуқ амалиётини юқори савияда билиш;

·     ахборотни таҳлил қила олиш ва умумлаштириш, ахборот-таҳлилий материаллар тайёрлаш;

·     аниқ тадбирлар режасини ишлаб чиқиш ва амалга ошириш;

·     ҳуқуқий ва расмий ҳужжатлар лойиҳаларини тайёрлаш;

·     жамоада ишлаш қобилиятига эга бўлиш;

·     соҳани ва қонунчиликни такомиллаштириш бўйича таклифлар тайёрлаш;

·     қарор қабул қилиш ва коммуникабиллик қобилиятига эга бўлиш;

·     ҳуқуқий тарғибот ишларини амалга ошириш;

·     расмий ҳужжатларни тайёрлаш;

·     компьютер ва бошқа оргтехника, зарур дастурий таъминотлардан фойдалана олиш.

  Расмий талаблар:

·  олий юридик маълумотга эга бўлиши ёки Тошкент давлат юридик университети ҳузуридаги Юридик кадрларни халқаро стандартлар бўйича қайта тайёрлаш курсларини тамомлаган ва белгиланган намунадаги дипломга эга бўлиш;

·  Марказ бошлиғи лавозимига юқоридаги талаблардан ташқари юридик мутахассислик бўйича камида икки йиллик иш стажига эга бўлган шахслар ҳужжат топшириши мумкин.

Меҳнат шароити ва иш ҳақи:

·  барча меҳнат шароитлари яратилган замонавий идора;

·  иш режими: беш кунлик иш ҳафтаси, икки кун дам олиш кунлари билан

(шанба, якшанба);

·  ойлик иш ҳақи лавозимга қараб қўшимча тўловлари билан бирга ўртача 4-5 млн. сўм;

·  хорижда малака ошириш ва стажировка ўташ имконияти;

·  қонун ҳужжатларида назарда тутилган мажбурий ижтимоий таъминот пакет;

·  идоравий тиббий хизмат ва соғломлаштириш масканидан фойдаланиш имконияти мавжуд.

  Мурожаат муддати ва манзил:

·  номзодлар 2021 йил 4 ноябрь кунига қадар белгиланган намунадаги ариза, маълумотнома-объективка, паспорт ва диплом нусхасини Сирдарё вилояти адлия бошқармаси Кадрлар бўлимига ёки бошқарманинг http://vacancy.adliya.uz электрон почтасига юборишлари лозим. (мурожаат учун телефон:67/ 226-07-20, 225-00-93).

  Адлия органлари ва муассасаларига ишга қабул қилиш тартиби бузилган тақдирда ёки коррупция ҳолатлари ҳақидаги хабарларни Адлия вазирлигининг 207-04-64 телефон рақамига ёки @antikorbot телеграм канали орқали беришингиз мумкин.

Сирдарё вилоят адлия бошқармаси Кадрлар бўлими