Bog'lanish

Telefon
(+998 67) 226-02-53

Elektron manzil
sirdaryo@adliya.uz

Habarni yuborish
Ishonch telefoni 1008

Янгиликлар

28

АДЛИЯ БОШҚАРМАСИДА МАТБУОТ АНЖУМАНИ ЎТКАЗИЛДИ


  Ўзбекистон Республикасининг “Интеллектуал мулк объектларининг ҳуқуқий муҳофазаси янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонуни билан соҳага оид қонунчилик ҳужжатлари муайян нормалар билан тўлдирилди, интеллектуал мулк объектлари муҳофазаси мустаҳамланди.

Сирдарё вилоят адлия бошқармаси ҳамда Сирдарё вилояти интеллектуал мулк ҳимояси маркази маркази билан ҳамкорликда ташкил этилган матбуот анжуманида мазкур қонун мазмун-моҳияти хусусида сўз борди.

Дарҳақиқат, сўнгги йилларда мамлакатимизда интеллектуал мулк соҳасини ислоҳ қилиш борасида бир қатор тизимли ишлар амалга оширилди.

Жумладан, Ўзбекистон Республикаси Президентининг 2019 йил 8 февралдаги “Интеллектуал мулк соҳасидаги давлат бошқарувини такомиллаштириш чора-тадбирлари тўғрисида”ги Қарори билан Интеллектуал мулк агентлиги Адлия вазирлиги тизимига ўтказилиб, агентликнинг вазифа ва функциялари кенгайди. 2021 йил 28 январдаги “Интеллектуал мулк объектларини муҳофаза қилиш тизимини такомиллаштириш чора-тадбирлари тўғрисида”ги Президент қарори билан тадбиркорлар хусусан, миллий экспорт қилувчилар, қишлоқ ҳўжалиги ва ҳунармандчилик билан шуғулланувчи тадбиркорлик субъектларига имтиёзлар яратилди.

Матбуот анжуманида интеллектуал мулк объектлари муҳофазасини мустаҳкамлашга қаратилган қонунчилик нормалари, ўзгаришлар ва янгиликлар тушунтирилди.

Хусусан, мазкур қонун билан “Товар белгилари, хизмат кўрсатиш белгилари ва товар келиб чиққан жой номлари тўғрисида”ги Қонунга янги нормалар киритилиб товар белгисини, товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабнома берилгандан сўнг Интеллектуал мулк агентлиги ушбу талабнома ҳақидаги маълумотларни ўз расмий веб-сайтига бир иш куни ичида жойлаштириши белгиланди.

Шунингдек, 2006 йил 20 июлда қабул қилинган «Муаллифлик ҳуқуқи ва турдош ҳуқуқлар тўғрисида»ги Қонунга ўзгартиришлар киритилиши натижасида, эндиликда муаллифлик ҳуқуқи муаллифнинг вафотидан кейин аввалгидек 50 йил эмас, 70 йил давомида амал қилади.

Муаллиф, турдош ҳуқуқлар эгаси ёки мутлақ ҳуқуқларнинг бошқа эгаси ҳуқуқбузарнинг айби даражасидан келиб чиқиб базавий ҳисоблаш миқдорининг йигирма бараваридан минг бараваригача миқдорда товон тўлашини талаб қилиш ҳуқуқининг амалиётга татбиқ этилиши муаллифлик ва турдош ҳуқуқларнинг самарали ҳимоя қилинишига хизмат қилади.

Анжуманда сўзга чиққанлар интеллектуал мулк объектининг таъсирчан хуқуқий тизим билан ҳимоя қилиниши мамлакатга ташқи инвестицияларнинг кириб келишида муҳим омил эканлигини алоҳида таъкидладилар.

Тадбир якунида журналистларни қизиқтирган саволларга тегишли жавоблар берилди.

  Сирдарё вилоят адлия бошқармаси Ҳуқуқий тарғибот ва маърифат бўлими