Янгиликлар
17
"Аёллар дафтари"га киритилган хотин-қизлар билан юзма-юз
Мирзаобод тумани адлия бўлими ҳамда "Боғистон" маҳалласи масъул ходимлари томонидан уйма-уй юрган ҳолда ушбу маҳалладан “Аёллар дафтари”га киритилган ҳуқуқий ёрдам олишга муҳтож хотин-қизлар билан ўзаро суҳбат ўтказилди.
Мулоқот мобайнида хотин-қизларни қийнаб келаётган муаммолар ўрганилиб, уларга ҳуқуқий ечим изланди.
Жумладан, оилавий келишмовчиликлар, нафақа, уй-жойни ажратиш, иш билан таъминлаш, саломатлигини тиклаш, моддий ёрдам олиш каби масалаларда ҳуқуқий маслаҳатлар берилиб, қонунчиликда белгиланган нормалар тушунтирилди.
Уйма-уй юриш жараёнида аҳолининг электорал маданиятини юксалтириш, сайлов қонунчилигига оид ҳуқуқий саводхонлигини ошириш мақсадида "Хотин-қизларнинг сайловлардаги иштироки" юзасидан тушунчалар берилиб, мавзуга оид буклет ва флаерлар тарқатилди.
Сирдарё вилоят адлия бошқармаси Ҳуқуқий тарғибот ва маърифат бўлими