Янгиликлар
СЎРАГАН ЭДИНГИЗ...
Савол: Бизнинг оила “Темир дафтар”га киритилган. Бу йил катта фарзандим талаба бўлди. “Темир дафтар”га киритилган оиланинг олий таълим муассасаларида ўқиётган фарзандлари учун контрактни тўлашда қандай имтиёзлар бор?
Н.Юсупова, Гулистон шаҳри
Жавоб: Ўзбекистон Республикаси Президентининг “Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги Фармонининг 2-бандига асосан, “Темир дафтар”га киритилган оилаларнинг давлат олий таълим муассасаларида таълим олаётган фарзандларига 2021/2022 ўқув йилида биринчи ўқув йили учун тўлов-контрактнинг тўлиқ суммаси Давлат бюджети маблағлари ҳисобидан қоплаб берилади.
Саволга Сирдарё вилоят адлия бошқармаси Ҳуқуқий тарғибот ва маърифат бўлими бошлиғи Д.Умурзоқова жавоб берди.