Янгиликлар
08
Адлия кўмаги билан фуқарога боқувчисини йўқотганлик пенсияси тайинланди
Ширин шаҳар адлия бўлимига У.Абдужабборова боқувчисини йўқотганлик пенсиясини тайинлашда амалий ёрдам сўраб мурожаат қилди. Мазкур мурожаат адлия бўлими томонидан масъул ташкилотлар иштирокида ўрганиб чиқилди.
“Фуқароларнинг давлат пенсия таъминоти тўғрисида”ги қонунга мувофиқ вафот этган боқувчининг қарамоғида бўлган меҳнатга қобилиятсиз оила аъзолари боқувчисини йўқотганлик пенсияси олиш ҳуқуқига эга бўлади. Бунда фарзандларга ва ушбу шахсларга пенсия улар боқувчининг қарамоғида турган-турмаганидан қатъи назар тайинланади.
Шунингдек, Вазирлар Маҳкамасининг 2011 йил 8 сентябрдаги “Давлат пенсияларини тайинлаш ва тўлаш тартибини янада такомиллаштиришга йўналтирилган норматив-ҳуқуқий ҳужжатларни тасдиқлаш тўғрисида”ги Қарорига мувофиқ боқувчисини йўқотганлик пенсияси ушбу пенсияга ҳуқуқи пайдо бўлган кундан бошлаб, пенсия тайинлаш учун биринчи марта мурожаат қилинганда, боқувчи вафот этган кундан бошлаб 6 ойдан кечикмай қолган ҳолатларда пенсия мурожаат қилинган кундан бошлаб тайинланиши белгиланган.
Ширин шаҳар адлия бўлими аралашуви билан фуқаро У. Абдужабборовага боқувчисини йўқотганлик пенсиясини тайинлашни сўраб мурожаат этган кундан вафот этган онасининг меҳнат дафтарчасига асосланиб 3 йил 3 ой 5 кун иш стажи билан 452494 сўм миқдорида боқувчисини йўқотганлик пенсияси тайинланди.
И. Ҳакимов,
Ширин шаҳар адлия бўлими бошлиғи вазифасини бажарувчиси