Янгиликлар
Ҳар бир сайловчи бир овозга эга
Сайхунобод тумани адлия бўлими томонидан Сайхунобод тумани Бюджетдан ташқари пенсия жамғармасида Ўзбекистон Республикаси Сайлов кодексига ўзгартириш ва қўшимчалар киритиш тўғрисидаги ЎРҚ-691-сонли Қонуни мазмун-моҳиятини тушунтириш мақсадида давра суҳбати ташкил қилинди. Тадбирда сўз олган туман адлия бўлими Н.Тагиров Сайлов кодексининг мазмун-моҳияти, фуқаролар сайлов ҳуқуқларининг кафолатлари, сайлов жараёнида қонунийликни таъминлаш масалалари, сайловларга тайёргарлик кўриш ва уларни ўтказиш, овоз беришни ташкил этиш ва ўтказиш бўйича тартиблар ҳақида кенг маълумотлар берди.
- сайловчиларнинг ҳуқуқий билимини ва сайлов маданиятини юксалтириш мақсадида Сайлов кодексининг мазмун-моҳиятини тушунтириш юзасидан жойларда тарғибот тадбирларини кучайтирмоқдамиз, - дейди туман адлия бўлими бошлиғи Н.Тагиров.
Шунингдек, тадбир давомида меҳнат қонунчилиги ҳамда қонунчиликка оид янгиликлар тўғрисида ҳам батафсил тўхталиб ўтилди.
Давра суҳбати савол-жавоблар билан қизғин тус олди.
Сирдарё вилоят адлия бошқармаси Ҳуқуқий тарғибот ва маърифат бўлими