Янгиликлар

СЎРАГАН ЭДИНГИЗ...

САВОЛ: Қандай сайлов бюллетенлари ҳақиқий эмас деб топилиб, ҳисобга олинмайди?

                                                                 Б. Тоиров, Мирзаобод тумани

ЖАВОБ: Қуйидаги сайлов бюллетенлари овозларни санаб чиқишда ҳақиқий эмас деб топилади:

- белгиланмаган шаклдаги (ҳажми, ранги, қоғоз сифати, босмахона шрифти ва ҳоказолар бўйича фарқланувчи) бюллитенлар;

- участка сайлов комиссияси томонидан тасдиқланмаган сайлов бюллетенлари;

- сайловга қадар вафот этган, сайлов ҳуқуқидан маҳрум бўлган ёхуд номзодликдан чақириб олинган номзодга ёқлаб овоз берилган сайлов бюллетенлари;

- овоз бериш вақтида биттадан ортиқ квадратга «+» ёки «√» ёхуд «х» белгиси қўйилган ёки битта ҳам квадратга бундай белгилар қўйилмаган сайлов бюллетенлари.

Саволга Ҳуқуқий тарғибот ва маърифат бўлими бошлиғи Д. Умурзоқова жавоб берди.