Ховос туман адлия бўлими, вилоят Маҳалла ва оилани қўллаб-қувватлаш бошқармаси ҳамда унинг туман бўлими ҳамкорлигида ташкил этилган сайёр қабулда “Аёллар дафтари”га киритилган хотин-қизлар ташвиш ва муаммоларини жойида ўрганиш ва ҳал қилишда тизимли чора-тадбирларни кўриш, уларни ҳар жиҳатдан қўллаб-қувватлаш ва оғир шароитдан олиб чиқиш йўлида бажарилаётган ишлар муҳокамалар марказида бўлди.

Сайёр қабул  жараёнида ишга жойлашиш, уй-жой, кадастр ҳужжатларини расмийлаштириш масаласида келиб тушган 10 га яқин мурожаатларга  туман адлия бўлими бошлиғи И.Қаюмов томонидан ҳуқуқий тушунтиришлар берилди. 

Шунингдек, мулоқот давомида Вазирлар Маҳкамасининг «Хотин-қизларни ижтимоий қўллаб-қувватлаш бўйича қўшимча чора-тадбирлар тўғрисида»ги қарори мазмун-моҳияти батафсил тушунтирилди.

Сирдарё вилоят адлия бошқармаси Ҳуқуқий тарғибот ва маърифат бўлими