Янгиликлар

Коррупцияга қарши ҳар ким, ҳар доим курашиши лозим

Коррупцияга қарши ҳар ким, ҳар доим курашиши, бу иллатнинг жамиятга, тараққиётга ва хавфсизликка катта таҳдид эканини ҳар бир онгли инсон чуқур англаши лозим.

Коррупция давлатга ва жамиятга жиддий зарар етказади. Айниқса, жамиятда носоғлом ижтимоий-маънавий муҳитнинг шаклланишига сабаб бўлиб, демократик давлатнинг энг муҳим ҳуқуқий принципларининг бузилишига олиб келади.

Сирдарё вилоят ички ишлар бошқармаси ходимлари учун ташкил этилган тадбирда коррупцияга қарши курашиш ғоялари тарғиб қилинди.

Тадбирда Сирдарё вилоят адлия бошқармаси бўлим бошлиғи Даврон Бурхонов иштирок этиб,  Ўзбекистон Республикаси Президентининг “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида”ги Фармони, “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида”ги қарори мазмун-моҳияти тўғрисида батафсил маълумот берди.

Таъкидланганидек, коррупцияга қарши курашиш ва коррупциявий ҳолатларнинг барвақт олдини олиш тизими самарадорлигини ошириш долзарб вазифа. Ушбу жараёнга жамоатчиликни кенг жалб этиш ва коррупцияга нисбатан муросасиз муносабатда бўлиш муҳитини шакллантириш орқали бу иллатга қарши курашиш мумкин.

Мулоқотда коррупциянинг турлари, у келтириб чиқарадиган салбий оқибатлар, белгиланган жавобгарлик чоралари тўғрисида алоҳида тўхталиб ўтилди.

Тадбир сўнггида иштирокчиларни қизиқтирган саволларига тегишли жавоблар берилди. 

Сирдарё вилоят адлия бошқармаси Ҳуқуқий тарғибот ва маърифат бўлими