Янгиликлар
“Сайлов – 2021: Ўз келажагинг учун овоз бер” шиори остида "Юксалиш" маҳалласида тадбир ташкил қилинди
Сайлов жараёнларида ҳар бир сайловчининг шахсан иштирок этиши орқали ўз сиёсий иродасини намоён қилишини тарғиб қилиш, сайловчиларнинг сайлов қонунчилиги бўйича ҳуқуқий билимларини юксалтириш адлия органларининг муҳим вазифаларидан бири ҳисобланади.
Шунга кўра, Сирдарё вилояти адлия бошқармаси томонидан “Сайлов – 2021: Ўз келажагинг учун овоз бер” шиори остида давлат органлари, ташкилотлар, маҳаллалар кесимида мунтазам тарғибот тадбирлари ташкил этиб келинмоқда.
Аҳолининг электорал маданиятини оширишга қаратилган навбатдаги тадбир Гулистон шаҳар адлия бўлими ҳамда Маҳалла ва оилани қўллаб-қувватлаш бошқармаси билан ҳамкорликда Гулистон шаҳар “Юксалиш” маҳалласида ташкил этилди.
Мулоқотда Сайлов кодексининг мазмун-моҳияти, сайлов қонунчилигидаги сўнгги янгиликлар ҳамда фуқароларнинг сайлов ҳуқуқлари кафолатлари хусусида атрофлича сўз юритилди.
Тадбир сўнгида иштирокчилар томонидан берилган саволларга батафсил жавоблар берилиб, сайлов қонунчилигига оид тарғибот материаллари – буклет ва флаерлар тарқатилди.
Сирдарё вилоят адлия бошқармаси Ҳуқуқий тарғибот ва маърифат бўлими