Bog'lanish

Telefon
(+998 67) 226-02-53

Elektron manzil
sirdaryo@adliya.uz

Habarni yuborish
Ishonch telefoni 1008

Янгиликлар

22

Сайлов - 2021: Ўз келажагинг учун овоз бер!


Сайлов жараёнларида ҳар бир сайловчининг шахсан иштирок этиши орқали ўз сиёсий иродасини намоён қилишини тарғиб қилиш, сайловчиларнинг сайлов қонунчилиги бўйича ҳуқуқий билимларини юксалтириш адлия органларининг муҳим вазифаларидан бири ҳисобланади.

Шунга кўра Сирдарё вилояти адлия бошқармаси томонидан “Сайлов – 2021: Ўз келажагинг учун овоз бер” шиори остида давлат органлари, ташкилотлар, маҳаллалар кесимида мунтазам тарғибот тадбирлари ташкил этиб келинмоқда.
Аҳолининг электорал маданиятини оширишга қаратилган  навбатдаги тадбир Сирдарё вилоят соғлиқни сақлаш бошқармасида ташкил этилди. Тадбирда  Сирдарё вилояти сайлов комиссияси масъул котиби Ф. Абдусатторов, адлия бошқармаси ходими Х. Сулайманбековалар сайлов қонунчилигидаги сўнгги янгиликлар ҳамда фуқароларнинг сайлов ҳуқуқлари кафолатлари, хусусан, хотин-қизларнинг сайловлардаги иштироки мавзусида сўз юритдилар.

Тадбир сўнгида иштирокчилар томонидан берилган саволларга батафсил жавоблар берилиб, сайлов қонунчилигига оид тарғибот материаллари – буклет ва флаерлар тарқатилди.


 Сирдарё вилоят адлия бошқармаси Ҳуқуқий тарғибот ва маърифат бўлими