Янгиликлар

“СОВРИНЛИ ВИКТОРИНА”ДА ЯНА СИРДАРЁЛИКЛАР ҒОЛИБ

Адлия вазирлиги томонидан аҳолининг ҳуқуқий онги ва маданиятини ошириш мақсадида  @huquqiyaxborot телеграм канали орқали ўтказиб келинаётган ҳуқуқий тест саволларини ўз ичига олган “Совринли викторина”да сирдарёликлар ҳам фаол иштирок этмоқда.

Викторинанинг бу галги ғолиби Сирдарё тумани халқ таълими бўлими услубчиси Ҳабиба Кенжаева бўлди.

- @huquqiyaxborot телеграм каналига оилавий аъзо бўлганмиз, қонунчиликка оид янгиликларни кузатиб борамиз. Ушбу каналда ўтказиладиган викторинада фарзандларим билан бирга  ҳар гал қатнашиб, ҳуқуқий билимларимизни синаб кўрамиз. Апрель ойида фарзандим Дилшод Мамажонов викторина ғолиби бўлган эди. Бу сафар ғолиблик менга насиб қилди, - дейди Ҳабиба Кенжаева.

 “Совринли викторина” ғолибига Адлия вазирлигининг эсдалик совғалари - Power bank (симсиз қувватлагич), бадиий адабиёт каби бир қатор совғалар топширилди.

Сирдарё вилояти адлия бошқармаси Ҳуқуқий тарғибот ва маърифат бўлими